Deer san da, wat for e EUROPEADA 2024 stönje, bili fernäid: dåt as luket än fu e Union-Bånk dertu, e fädjbal-EM for da manerhäide tu stipe, wat önje samer 2024 önjt tjüsch-dånsch gränselönj spaalt ward.
“For üs as en dånsch-tjüsch bånk as dåt en froide, dåt we e internasjionoole meeting, wat heer bai üs as, stipe koone. We wan aw e was årt än wis håål wat tubääg düünj tu e dånsch manerhäid, heer bai üs tuhüs”, säid Tomas Michael Jensen, direkter foon e Union-Bank.
“Ik ban fernäid, dåt Union-Bånk ma üs tuhuupeuuget än dåts e EUROPEADA stipe. We heewe jüst diling säid, dåt we håål ma hisiie bedriwe tuhuupe uuge wan, ourdåt e EUROPEADA en gousen for e hiilj regjioon weese schal. E Union-Bånk ferstoont üüsen tugång än schucht da möölikhäide önj dåt manerhäide-meeting, wat en positiiw tääl as”, kamt foon Ruwen Möller, di projektliidjer for e EUROPEADA.
Dåt tuhuupeuuge gungt foon e ökonoomisch stipe foon e EM üt. Deer ouer haaneüt as dåt Union-bånk-loogo önj da stääinge än bai da EUROPEADA-meetinge tu schüns. Än dan as e idee nuch, dåt e EUROPEADA önje bånk-waninge önje Große Straße 2 önj Flansburjs inkuups- än fädjgungerstroote tu schüns as.
“We täiwe ai, dåt we maning naie kunde üt da lönje fue, weer da tiims foon kaame. For üs gungt dåt mör deeram, manerhäide tu stipe, wat for üs rucht wichti as”, säid Tomas Michael Jensen.
Union Bånk as en dånsch-thüsch bånk aw binge side foon e gränse:
Union Bank as en fåli besuners bånk. We koone ma giilj am. Ouers we san uk besuners; we koone wat, wat oudere ai koone. Dåt bejüset wat.
We san deeraw ütläid, de tu stipe, wan dü en druum ouer e dånsch-tjüsch gränse ouerwach amseede weet. Di, wat eefter en nai boog eeder e gränse seecht, eefter en naien bontje, mör laawenskwalitäät unti mör frihäid.
We san seelew tjüsch än dånsch. Deeram biitje we üs önj as dan hisiie fäärer in din nai lönj. Dåt as for üs en iire än wees ai bloots deerfor deer, am de giilj for din ääwentüür tu düünj. Dåt koon ai arks bånk. We san feroontuurdlik dåt dü en tuhüs-fernaamen fäist aw binge side foon e gränse – jüst as we dåt heewe.
Ma üs aw din sid heest dü aw iinj tooch en hisiie fäärer önj Tjüschlönj än önj Danmark. We san mör as hunert iir en bånk: än dåt wan we bliwe. Üüs apgoowe as et, dåt dü rou fäist än börjenhäid. Am dåt haane tu füünj, kiike we huuch foon da Excel-tabel än gunge rüt; deerhaane, weer we üs ütkåne än dü de nuch ai. We kåne üs gödj üt, wat da ruchtlige än finasiele kääre önjgungt; än dåt aw binge side foon e gränse. We waase nau, wat dü brükst, deerma dan druum wäär wård.
Ma üs as partner fäist dü ai bloots en bånkmoon. Ökonoomisch börjenhäid as nemlik bloots iinj diilj, wat dü brükst, deerma da drum luket. Dåt waase we gödj. Deer schal mör deertu. We wan dåt ai üt e hönj düünj tu huum, wat ham ai ütkånt. Deeram koost dü üs as dan hisie partner siie. Dåt as di tugung tu en nai wråål. Ma üs heest tu huum, wat tacht ma afkoote amgungt, boog-eksperte, streteege än manschne, wat jam ma e stüür ütkåne.
Da hiire tu üüs neetwärk, wat we kåne än we san stult deeraw. Dü bast wäljkiimen, dåt tu brüke.
We wan ai bloots din bånk weese; we wan da weese, wat de dåt laacht mååget, dan druum wåkse tu lätje än dåt dü de tuhüs fäilst aw binge side foon e gränse. Dü, dine druume än üüs neetwärk. Dåt as en wjartful gemiinschap.
Heer koost dü widreleese: www.unionbank.de
.jpg)
.png){kind=logo}
-1.png){kind=logo}
_(1).png)
