Northern and
Southern Schleswig
Denmark & Germany28 juny - 7 july 2024

News

EUROPEADA 2024: Nü stönje da spal-ploone


Bloots nuch fjour moune, dan rult äntlik di bal bai e EUROPEADA 2024. Åål di 10. detsämber 2023 wörn da floose üttliiset, nü stönje uk da spalploone fåst.

"Dåt as en grut puselspal, wat tuhuupe pååse schal. Deer san maning kääre tu beåchte, ouers ik miinj, we hääwe wörklik inträsante spalploone tuhuupestalt“, sü Ruwen Möller, projektliidjer foon e EUROPEADA 2024.

Jarling stoont en rekord önj, wat da diiljnaamere önjgungt (9 wüste- än 27 kjarlse-tiims) än da stääinge: 14 stääinige (4 önj Danmark än 10 önj tjüschlönj). Önj 7 deege jeewt et önj gehiilj 89 spale, wat ouer en live-stream ouerdreegen wårde.

"We hääwe deerfor sörjiet, dåt da hiisie manerhäide, wat süwälj en wüste- as uk en kjarlse-tiim hääwe, ai tu e eewensch spaale, ouers uk ai da oudere manerhäide ma en wüste- än en kjarls-tiim, spaale ai eewensch", sü Möller. Ma iin ütnoome as dåt luket. „Da wüste än kjarlse üt Söödtiirool spaale iinj tooch tulike; ouers wus dåt ai haanetu füünj. Bai da k.o.-spale koone we dåt sü unti sü ai räigle, huum injenouder spaalt."

Ouers iinj käär as feranert wörden: sü wårt duch eewensch tu da UEFA EURO-spale, wat klook 18 begane, spaalt. "Uk dåt wus ai ouers möklik, unti ouers säid, we hääwe üs gemiinsom ma e FUEN deerfor önjschiiset, dåt we üs aw dåt turniir konsentriire. Än dåt kamt da stääinge, da heelpere än we hoowe uk da tukiikere önjtiinj, dat we diilwis lääser begane ", deet Möller önj.

Dåt spal am plåts 3 bai da kjarlse fålt üt; dåt hääwe e FUEN än da hiisige, wat for e organisasjoon stönje, tuhuupe sü beschlin. Möller pöölt ütenouder: "Dat kjarls-huulwe-iinjspal as fraidi (5. juuli) klook 17. Dåt spal am di treede plåts wus dan saneene di formadi, am for da iinjspale tu kaame. E schuftid än dåt risiikoo, ham siir tu düünj, wus for da spaalere wus bai sü en ploon tu grut. Bait e leest EUROPEADA, weer huum uk niinj latjs iinj-spal häi, hää dåt niimens mastet." Huum bai da kjarlse sü wit kamt, heet 5 spale eeder ham. Da binge tiims foont huulew-iinspal, fue binge en medalje.

Da wüste, weer da tiims iin spal maner hääwe as da kjarlse än di ploon möör luft heet, wård am plåts 3 spaalt.

Da jarste EUROPEADA-spale san sandi, di 30. juuni, klook 11 än 14. 30.

Da iinj-spale san saneene, di 6. Juuli: da wüste spaale klook 11 än da kjarlse klook 14. Dan wårde da ouermååns foon plåts 1 bit 3 tuhuupe iirt än dan gungt e EUROPEADA2024 ma en fiir tu iinje.

Nuch wat besuners:

  • Dåt fiirendiiljs-iinjspal än dåt huulwe-iinjspal wårde bai en remii eefter 90 minuute ma alwen-meeter önjschiiset.
  • Bloots da iinje-spaale köön ma ferlaingering spaalt wårde
  • Da kjarlse-spaale am da plåtse gunge ouer tou tunge 30 minuute än hääwe tu nüüdj alwenmeeter-schiitje; ouers as dåt, wan et am plåts 5 bit 8 gungt. Da spale san aw on däi än wårde 45 minuute spaalt.
  • Bai da wüste as enarken spal am en plåts 45 minuute lung. Heer spaalt arks tiim iinjenouder; ferlaingering än alwen-meeter-schiitje falt wach.
  • Eefter e jarst runde wårde dåt wüste-fiirendiiljs-iinjspal än dåt huulwe-iinjspal ütliiset, sü as dåt önj da räigle stoont.
  • Et kamt aw önj, hü wit da hiisige tiims kaame; dan anert ham kortfristi e stää, dan das frasche wan håal önj Nordfraschlönj spaale.

Da ploone san önjhåångt. Da spale san uk aw e hüüsesid www.europeada.eu.

Wan huum frååge heet, swååre FUEN än e EUROPEADA gGmbH tu arks tid håål.

Iir et lüüs gungt, fue da tiims än e präse beschiis önj iinj meeting. Uk dåt as sü forsänj.

Men match schedule

 

Women match schedule

 

Photo: Martin Ziemer

EUROPEADA 2024: Nü stönje da spal-ploone

Barren

European Football Championship of the autochthonous national minorities

European Football Championship of the autochthonous national minorities

Organisation

Federal Union of European Nationalities

Federal Union of European Nationalities

 

Mute Hate Speech

Mute Hate Speech

Partners

Federal Ministry of the Interior and Homeland de / UEFA

Federal Ministry of the Interior and Homeland de / UEFA

 

Sydslesvigudvalget

Sydslesvigudvalget

 

Sportland SH

Sportland SH

 

Stadt Flensburg

Stadt Flensburg

 

Kreis Schleswig-Flensburg

Kreis Schleswig-Flensburg

 

Tønder Kommune

Tønder Kommune

 

Region Syddanmark

Region Syddanmark

 

Haderslev Kommune

Haderslev Kommune

 

Aabenraa Kommune

Aabenraa Kommune

 

Sønderborg Kommune

Sønderborg Kommune

 

Kreis Nordfriesland

Kreis Nordfriesland

 

Kreis Rendsburg-Eckernförde

Kreis Rendsburg-Eckernförde

 

Miniszterelnökség, Nemzetpolitikai Államtitkárság Bethlen Gábor Alap

Miniszterelnökség, Nemzetpolitikai Államtitkárság Bethlen Gábor Alap

Local organisers

German Minority in Denmark

German Minority in Denmark

 

Sinti and Roma Organisation

Sinti and Roma Organisation

 

North Frisian Minority Association

North Frisian Minority Association

 

Danish minority in Germany

Danish minority in Germany

Local sponsors

Select

Select

 

Union Bank

Union Bank

 

Rohde Verkehrsbetriebe GmbH

Rohde Verkehrsbetriebe GmbH

 

Flensborg Avis

Flensborg Avis

 

Der Nordschleswiger

Der Nordschleswiger

 

Na Logo

Na Logo

 

Hotel des Nordens

Hotel des Nordens

 

Hudl

Hudl

 

hpo Steuerberater

hpo Steuerberater

 

Strandet

Strandet

 

Naturgeflüster

Naturgeflüster

 

Flensburger Brauerei

Flensburger Brauerei

 

Knipskasten Flensburg

Knipskasten Flensburg

 

Phono Flensburg

Phono Flensburg