Wat bei e UEFA EURO 2024 Hamburg, München unti Berlin san, san bai e EUROPEADA 2024 Flansburj, Slaswig, Aabenraa än Tuner, Bräist än Risem-Loonham. Huum spaalt ai önjt Olympiastadion unti Volksparkstadion; ours önjt Manfred-Werner-Stadion, di Idrætsparken unti dåt Walter-Rau-Stadion. E „gruut EM“ as önj tiin stääinge önj Tjüschlönj, ouers e födjbål-EM for da autochtoone än nasjionååle manerhäide spaalt aw 14 plåtse önje tjüsch-dånsch-frasch-gränsregjioon.
E leest önjtschiising as feelen: Harrislee heet tusäid; sü stönje åål da stääinge for e EUROPEADA 2024 fåst. Eefter Aabenraa, Kruså, Tuner än Sønderborg önj Danmark än Bräist, Naibel, Risem-Loonham, Taning, Eckernförde, Slaswig än Flansburj (Weiche, DGF än Stjernen) stoont nü uk di Holmberg as plåts for e manerhäide-EM fåst. Deerma wård aw 14 plåtse spaalt.
Ambai arks treed spaal foon e EUROPEADA wård aw iinj foon da fjour plåtse önj Danmark spaalt; di rest bai tiinj, unti nauer säid, alwen feriine önj tjüschlönj. Da unlike tååle kaame deerfoon, dåt önj Harrislee tweer feriine, nemlik di TSV Nord Harrislee än HKUF, da plåtse bai e Homberg njüte. Ouers, e ferbining twasche di TSV ma di HKUF as feriinj foon e dånsch manerhäid pååst gödj tu e EUROPEADA 2024, wat önj Danmark än Tjüschlönj as.
Wat for en tiim weer spaalt, kamt bai e ütliising di 10. desämber rüt.
Åles tu da plåtse, bile än hü huum haanekamt, fant huum deele aw e üüs inesid.
Dåt san da feriine, wat tu da plåtse hiire:
Danmark
- Aabenraa: Aabenraa BK
- Kruså: Bov IF
- Tuner: Tønder SF / FC Sydvest
- Sønderborg: FC Sønderborg
Tjüschlönj
- Flansburj: DGF Flensborg / IF Stjernen Flensborg / SC Weiche Flensburg 08
- Harrislee: HKUF / TSV Nord Harrislee
- Eckernförde: Egernførde IF
- Slaswig: Slesvig IF
- Bräist: Bredstedter TSV
- Naibel: TSV RW Niebüll
- Risem-Loonham: SV Frisia 03 Risum-Lindholm
- Taning: IF Tønning
Bait füft tooch san da spaale bai e EUROPEADA aw 14 plåtse. Nuch möör tååle än doote trinam da spaale jeewt et heer.
BU: Foon di 28. juuni bit tu di 7. juuli 2024 wård e EUROPEADA aw 14 plåtse spaalt. Iinj deerfoon as di Idrætsparken, e hiimstoun foon DGF Flensborg. Foto: Lars Salomonsen
.jpg)
.png){kind=logo}
-1.png){kind=logo}
_(1).png)
