E goowe for e EUROPEADA 2024 köm en lait iir: di söödslawig-ütschus foon e dånsch parlamänt heet 1.119.000 DKK for e fätjbål-mäisterschap for autochtoone än nasjionååle manerhäide fridänj, wat foon di 28. juuni bit 7. juuli 2024 lungs e dånsch-tjüsch gränse as.
"We san tunkboor, dåt di söödslawig-ütschus da inträse foon SdU än SSF eefterköm. Deerma heewe we en fain grünlååge for e EUROPEADA. Eewensch as et wichti, dåt e EUROPEADA aw binge side foon e gränse äiwen stipet wårt", säit Jens A. Christiansen, generoolsekretäär foon e SSF, wat tuhuupe ma e SdU di öndrach stalt hädj, wat nü ful bewaliet wöör."Ik ban rucht fernäid ouer di äimhönjede tuschus. Wan et amt giilj gungt, san we nü aw en gouen wäi. Huum mötj ai ferjeese, dåt we önj kort tid foole önje gung broocht heewe. Än nü kaame da unlike diile sani tuhuupe", säit Anders Kring, direkter foon e SdU.Önjfång foon e moune föng e EUROPEADA e gou nooricht, dåt giilj uk üt Berlin köm.Haanüt deerfoon heewe da jarste stääinge än krise söödlik än nordlik foon e gränse giilj tuseed for e 5. ütgoowe foon e EUROPEADA.Tuhuupe ma e manerhäide-tougeferbånd FUEN wårde e dånsch manerhäid önj Tjüschlönj, e tjüsch manerhäid önj Danmark, da frasche än da Sinti än Roma önj Slaswig-Holstiinj e EUROPEADA 2024 ütruchte..
.png){kind=logo}
-1.png){kind=logo}
_(1).png)