Tu e kaamende fädjbål Europa-mäisterschap kamt nuch huum dertu, wat bili bekånt as: Stephanie Lose, forwüset foon e Regjioon Sööd-Danmark än tweet forwüset foon e partai Venstre, ouernamt for di wedstrid önje samer 2024dåt åmt as schirm-wüset.
E füft EUROPEADA as foon di 28. Juni bit zu di 7. Juli 2024 önj Noord- än Sööd-Slaswig jant än jurt e tjüsch-dånsch gränse. Önj Flansburj/Flensburg wård ålet tustalt.
Nü as aw binge side foon e gränse huum fünen wörden, wat schirm-wüset än schirm-hiire as: Stephanie Lose aw e dånsch di än di tjüsche visekansler än ökonoomiminister Robert Habeck aw e tjüsch sid.
„Ma e EUROPEADA koone we en waning tu e wråål im måage än wise, hü manerhäide aw binge side foon e dånsch-tjüsch gränse friidlik tuhuupe laawe än huum fäit ma, dåt’s maning kääre gemiinsom heewe. Dåt boose betjüset wat önje en tid, weer we en ünrouie wråål belaawe, weer huum mör am ferscheele as am gemiinsoome kääre snååket“, säit Stephanie Lose.
Stephanie Lose wöör tuläit önj Løgumkloster/Lügumkloster önj Sööd-Danmark und booget nü önjt Esbjerg. Tüläist wus jü komisaarische ökoonomii-minister önj Danmark.
„E FUEN as fernäid, dåt’s ma Stephanie Lose än Robert Habeck tou bekånte manschne fünen heewe, wat e EUROPEADA stipe. Binge laawe önje regjoon än san goue loonsfertreesere foon di wedstrid“, säid FUEN-präsident Loránt Vincze.
Dåt jarst tooch stönje gliiks fjour manerhäide for di wedstrid: da Sinti än Roma, e tjüsch manerhäid önj Danmark, da Frasche önj Slaswig-Holstiinj än e dånsch manerhäid önj Tjüschlönj.
Spaalt wård önj mör as tiin stääinge önj Danmark än Tjüschlönj. Et jeewt en fiirlik fäst tu began än tut iinje än uk nuch en kultuurdäi madenbane, weer da manerhäide jarnge kultuur, spräke än tradisjioone wise. Trinam e wedstrid jeewt et konserte, diskusjoonen än maning kääre mör.
Eedergrün EUROPEADA:
E FUEN stoont tuhuupe ma hiisige for e EUROPEADA. Bit nü wöör e Europa-mäisterschap önj Graubünden/Schwaits (2008), önje Lausits, Tjüschlönj (2012), önj Sööd-Türool, Itaalien (2016), än önj Koroška, Ååstenrik (2022), ütspaalt. Jü as arks fjour iir, jüst önjt seelew iir as e UEFA EURO. Di wedstrid ferband faire spaale än en sportfäst tuhuupe ma da inträse foon da autochtoone, nasjionoole manerhäide. Bai da spaale än öifsits deerfoon gungt et am fairplay, tolerans än dåt unlike fölksfloose manenouder snååke.
Foto: Region Syddanmark
.png){kind=logo}
-1.png){kind=logo}
_(1).png)