Dåt pååst. Foon di 28. juuni bit tu di 7. juuli 2024 as et 5. toocht e EUROPEADA, di fötjbal-Europa-mäisterschap for autochtoone än nasjionååle manerhäide, önj Danmark än Tjüschlönj. Än da binge hiisige bleese foon da manerhäide san as ofisiele meedie-partnere deerbai. Süwälj „Der Nordschleswiger“, dåt tjüsch meediehüs önj Danmark, as uk „Flensborg Avis“, dåt dansch meediehüs önj Tjüschlönj, hääwe tusäid, e EUROPEADA tu stipe.
“Natörlik san we as meedie-partner deerbai, wan üüs manerhäid fort turniir stoont än maning spaale önj nord-slaswig spaalt wårde. Dåt wan we håål stipe. We froie üs aw dåt grute meeting, wat önje samer aw üs än di loonsdiilj haane wiset“, säit schäf-redaktöör Gwyn Nissen foon „Der Nordschleswiger.“
"We froie üs aw en besuner sportmeeting. Ma nasjionåål-tiims üt maning lönje in Europa belaawe we, hü bröket da europäische manerhäide än spräke san – än dåt ma fötjbal. Natörlik kiike we for ålem aw da nasjionåål-tiims foon e dånsch manerhäid än da frasche, ouers as dånsch blees önj Söödslaswig froie we üs ouerhood, dåt üs sü maning manerhäide besäke. Än we san fernäid, dåt we önjt blees än online derouere beruchtet koone“, sü Søren Munch, die schäf-redaktöör foon Flensborg Avis.
Binge manerhäide, e tjüsch önjt norden foon e gränse, än e dånsch önjt sööden, hiire tu da manerhäide, wat for e EUROPEADA 2024 stönje. Dertu kaame da frasche än di loonsferbund foon da Sinti än Roma önj Slaswig-Holstiinj.
“Dåt froit me, dåt binge meedien-hüsinge tusäid heewe än üüs meeting stipe,“ sü Ruwen Möller, projektliidjer foon e EUROPEADA gGmbH, wat maning iir sport-redaktöör bai Flensborg Avis wus.
Aw e sid foon tüüpisch beruchte ouert meeting, håt meedie-partner tu weese, dåt huum teeme fant, weer huum ham enouder stipe koon. Et gungt deeram, tuhuupe deerfor tu sörje, dåt huum önje regjioon bääder tu schünsch as – süwälj bai da manerhäide as uk bai da möörhäide.”
Deer san åål kääre önje gung: sü kamt en präsekonferäns, iir et lüüs gungt, önj iinj foon da binge hüsinge. Diilj foont program as uk, dåt da unernaamen da bleesemoon, wat ouer e EUROPEADA beruchte, fääringe önjtiitje önj da redakjioone önj Aabenraa än Flansborj. Sü hääwe binge wat deerfoon: e EUROPEADA 2024 as önj da bleese än online gödj tu schüns, än da bleese san bai da stääinge, weer spaalt wårt, tu schüns. Hü dåt nau for ham gungt, wårt önj da näiste waage ouerläid än ma laawen feelt.
E EUROPEADA as e europäisch fätjbålmäisterschap foon da autochtoone nasjonååle manerhäide önj Europa. Di weedstrid as en grut meeting ma mör as 1.000 diiljnaamere, weer weedstrid än sport mat laawen foon da autochtoone, nasjonååle manerhäide tuhuupekaame. Tubai da fätjbålspale koone jam da manerhäide ütprunge. Aw e plåts än aw e sid foon e plåts gungt et am fair play, respäkt, tolerans än deeram, ouerwach da nasjoone maenouder tu snååken.
E Federal Union of European Nationalities (FUEN) as e grutst tååge-foriining foon da nasjonååle manerhäide önj Europa. E FUEN heet di weedstrid apfün än stoont tuhuupe ma hiisie for e EUROPEADA. Sunt 2008 jeeft et önjt seelew iir as e UEFA EURO en EUROPEADA, åle fjouer iir.
Der Nordschleswiger
www.nordschleswiger.dk
Flensborg Avis
www.fla.de
Foto: Lars Salomonsen
.jpg)
.png){kind=logo}
-1.png){kind=logo}
_(1).png)
